میں زندگی کا ساتھ نبھاتا چلا گیا
Sahir Ludhianvi (1921–1980)میں زندگی کا ساتھ نبھاتا چلا گیا
ہر فکر کو دھوئیں میں اڑاتا چلا گیا
بربادیوں کا سوگ منانا فضول تھا
بربادیوں کا جشن مناتا چلا گیا
جو مل گیا اسی کو مقدر سمجھ لیا
جو کھو گیا میں اس کو بھلاتا چلا گیا
غم اور خوشی میں فرق نہ محسوس ہو جہاں
میں دل کو اس مقام پہ لاتا چلا گیا
main zindagi ka sath nibhata chala gaya
har fikr ko dhuen mein urata chala gaya
barbadiyon ka sog manana fuzul tha
barbadiyon ka jashn manata chala gaya
jo mil gaya usi ko muqaddar samajh liya
jo kho gaya main us ko bhulata chala gaya
gham aur khushi mein farq na mahsus ho jahan
main dil ko us maqam pe lata chala gaya