نہ ہم سفر نہ کسی ہم نشیں سے نکلے گا

نہ ہم سفر نہ کسی ہم نشیں سے نکلے گا

ہمارے پاؤں کا کانٹا ہمیں سے نکلے گا

میں جانتا تھا کہ زہریلا سانپ بن بن کر

ترا خلوص مری آستیں سے نکلے گا

اسی گلی میں وہ بھوکا فقیر رہتا تھا

تلاش کیجے خزانہ یہیں سے نکلے گا

بزرگ کہتے تھے اک وقت آئے گا جس دن

جہاں پہ ڈوبے گا سورج وہیں سے نکلے گا

گزشتہ سال کے زخمو ہرے بھرے رہنا

جلوس اب کے برس بھی یہیں سے نکلے گا

na ham safar na kisi ham nashin se niklega

hamare paon ka kanta hamen se niklega

main janta tha ke zahrila sanp ban ban kar

tira khulus miri astin se niklega

usi gali mein wo bhuka faqir rahta tha

talash kije khazana yahin se niklega

buzurg kahte the ik waqt aega jis din

jahan pe dubega suraj wahin se niklega

guzishta sal ke zakhmo hare bhare rahna

julus ab ke baras bhi yahin se niklega