زندگی کو زخم کی لذت سے مت محروم کر

زندگی کو زخم کی لذت سے مت محروم کر

راستے کے پتھروں سے خیریت معلوم کر

ٹوٹ کر بکھری ہوئی تلوار کے ٹکڑے سمیٹ

اور اپنے ہار جانے کا سبب معلوم کر

جاگتی آنکھوں کے خوابوں کو غزل کا نام دے

رات بھر کی کروٹوں کا ذائقہ منظوم کر

شام تک لوٹ آؤں گا ہاتھوں کا خالی پن لیے

آج پھر نکلا ہوں میں گھر سے ہتھیلی چوم کر

مت سکھا لہجے کو اپنی برچھیوں کے پینترے

زندہ رہنا ہے تو لہجے کو ذرا معصوم کر

zindagi ko zakhm ki lazzat se mat mahrum kar

raste ke pattharon se khairiyat maalum kar

tut kar bikhri hui talwar ke tukre samet

aur apne har jane ka sabab maalum kar

jagti ankhon ke khwabon ko ghazal ka nam de

rat bhar ki karwaton ka zaiqa manzum kar

sham tak laut aunga hathon ka khali pan liye

aj phir nikla hun main ghar se hatheli chum kar

mat sikha lahje ko apni barchhiyon ke paintre

zinda rahna hai to lahje ko zara maasum kar