بیر دنیا سے قبیلے سے لڑائی لیتے

بیر دنیا سے قبیلے سے لڑائی لیتے

ایک سچ کے لئے کس کس سے برائی لیتے

آبلے اپنے ہی انگاروں کے تازہ ہیں ابھی

لوگ کیوں آگ ہتھیلی پہ پرائی لیتے

برف کی طرح دسمبر کا سفر ہوتا ہے

ہم اسے ساتھ نہ لیتے تو رضائی لیتے

کتنا مانوس سا ہمدردوں کا یہ درد رہا

عشق کچھ روگ نہیں تھا جو دوائی لیتے

چاند راتوں میں ہمیں ڈستا ہے دن میں سورج

شرم آتی ہے اندھیروں سے کمائی لیتے

تم نے جو توڑ دیے خواب ہم ان کے بدلے

کوئی قیمت کبھی لیتے تو خدائی لیتے

bair duniya se qabile se larai lete

ek sach ke liye kis kis se burai lete

able apne hi angaron ke taza hain abhi

log kyun ag hatheli pe parai lete

barf ki tarah disambar ka safar hota hai

ham use sath na lete to rizai lete

kitna manus sa hamdardon ka ye dard raha

ishq kuchh rog nahin tha jo dawai lete

chand raton mein hamen dasta hai din mein suraj

sharm ati hai andheron se kamai lete

tum ne jo tor diye khwab ham un ke badle

koi qimat kabhi lete to khudai lete