میرے اشکوں نے کئی آنکھوں میں جل تھل کر دیا

میرے اشکوں نے کئی آنکھوں میں جل تھل کر دیا

ایک پاگل نے بہت لوگوں کو پاگل کر دیا

اپنی پلکوں پر سجا کر میرے آنسو آپ نے

راستے کی دھول کو آنکھوں کا کاجل کر دیا

میں نے دل دے کر اسے کی تھی وفا کی ابتدا

اس نے دھوکہ دے کے یہ قصہ مکمل کر دیا

یہ ہوائیں کب نگاہیں پھیر لیں کس کو خبر

شہرتوں کا تخت جب ٹوٹا تو پیدل کر دیا

دیوتاؤں اور خداؤں کی لگائی آگ نے

دیکھتے ہی دیکھتے بستی کو جنگل کر دیا

زخم کی صورت نظر آتے ہیں چہروں کے نقوش

ہم نے آئینوں کو تہذیبوں کا مقتل کر دیا

شہر میں چرچا ہے آخر ایسی لڑکی کون ہے

جس نے اچھے خاصے اک شاعر کو پاگل کر دیا

mere ashkon ne kai ankhon mein jal thal kar diya

ek pagal ne bahut logon ko pagal kar diya

apni palkon par saja kar mere ansu ap ne

raste ki dhul ko ankhon ka kajal kar diya

main ne dil de kar use ki thi wafa ki ibtida

us ne dhoka de ke ye qissa mukammal kar diya

ye hawaen kab nigahen pher len kis ko khabar

shohraton ka takht jab tuta to paidal kar diya

dewtaon aur khudaon ki lagai ag ne

dekhte hi dekhte basti ko jangal kar diya

zakhm ki surat nazar ate hain chehron ke nuqush

ham ne ainon ko tahzibon ka maqtal kar diya

shahr mein charcha hai akhir aisi larki kaun hai

jis ne achchhe khasse ik shayar ko pagal kar diya