شہر کیا دیکھیں کہ ہر منظر میں جالے پڑ گئے

شہر کیا دیکھیں کہ ہر منظر میں جالے پڑ گئے

ایسی گرمی ہے کہ پیلے پھول کالے پڑ گئے

میں اندھیروں سے بچا لایا تھا اپنے آپ کو

میرا دکھ یہ ہے مرے پیچھے اجالے پڑ گئے

جن زمینوں کے قبالے ہیں مرے پرکھوں کے نام

ان زمینوں پر مرے جینے کے لالے پڑ گئے

طاق میں بیٹھا ہوا بوڑھا کبوتر رو دیا

جس میں ڈیرا تھا اسی مسجد میں تالے پڑ گئے

کوئی وارث ہو تو آئے اور آ کر دیکھ لے

ظل سبحانی کی اونچی چھت میں جالے پڑ گئے

shahr kya dekhen ke har manzar mein jale par gae

aisi garmi hai ke pile phul kale par gae

main andheron se bacha laya tha apne ap ko

mera dukh ye hai mire pichhe ujale par gae

jin zaminon ke qabale hain mire purkhon ke nam

in zaminon par mire jine ke lale par gae

taq mein baitha hua burha kabutar ro diya

jis mein dera tha isi masjid mein tale par gae

koi waris ho to ae aur a kar dekh le

zill-e-subhani ki unchi chhat mein jale par gae