ہم نے خود اپنی رہنمائی کی

ہم نے خود اپنی رہنمائی کی

اور شہرت ہوئی خدائی کی

میں نے دنیا سے مجھ سے دنیا نے

سیکڑوں بار بے وفائی کی

کھلے رہتے ہیں سارے دروازے

کوئی صورت نہیں رہائی کی

ٹوٹ کر ہم ملے ہیں پہلی بار

یہ شروعات ہے جدائی کی

سوئے رہتے ہیں اوڑھ کر خود کو

اب ضرورت نہیں رضائی کی

منزلیں چومتی ہیں میرے قدم

داد دیجے شکستہ پائی کی

زندگی جیسے تیسے کاٹنی ہے

کیا بھلائی کی کیا برائی کی

عشق کے کاروبار میں ہم نے

جان دے کر بڑی کمائی کی

اب کسی کی زباں نہیں کھلتی

رسم جاری ہے منہ بھرائی کی

ham ne khud apni rahnumai ki

aur shohrat hui khudai ki

main ne duniya se mujh se duniya ne

saikron bar be wafai ki

khule rahte hain sare darwaze

koi surat nahin rihai ki

tut kar ham mile hain pahli bar

ye shuruat hai judai ki

su-e-rahte hain orh kar khud ko

ab zarurat nahin rizai ki

manzilen chumti hain mere qadam

dad dije shikasta pai ki

zindagi jaise taise katni hai

kya bhalai ki kya burai ki

ishq ke karobar mein ham ne

jan de kar bari kamai ki

ab kisi ki zaban nahin khulti

rasm-e-jari hai munh bharai ki