اٹھی نگاہ تو اپنے ہی رو بہ رو ہم تھے

اٹھی نگاہ تو اپنے ہی رو بہ رو ہم تھے

زمین آئنہ خانہ تھی چار سو ہم تھے

دنوں کے بعد اچانک تمہارا دھیان آیا

خدا کا شکر کہ اس وقت با وضو ہم تھے

وہ آئینہ تو نہیں تھا پر آئینے سا تھا

وہ ہم نہیں تھے مگر یار ہو بہ ہو ہم تھے

زمیں پہ لڑتے ہوئے آسماں کے نرغے میں

کبھی کبھی کوئی دشمن کبھو کبھو ہم تھے

ہمارا ذکر بھی اب جرم ہو گیا ہے وہاں

دنوں کی بات ہے محفل کی آبرو ہم تھے

خیال تھا کہ یہ پتھراؤ روک دیں چل کر

جو ہوش آیا تو دیکھا لہو لہو ہم تھے

uthi nigah to apne hi ru ba ro ham the

zamin aina khana thi char su ham the

dinon ke baad achanak tumhara dhyan aya

khuda ka shukr ke is waqt ba wuzu ham the

wo aina to nahin tha par aine sa tha

wo ham nahin the magar yar hu ba hu ham the

zamin pe larte hue asman ke narghe mein

kabhi kabhi koi dushman kabhu kabhu ham the

hamara zikr bhi ab jurm ho gaya hai wahan

dinon ki bat hai mahfil ki abru ham the

khayal tha ke ye pathrao rok den chal kar

jo hosh aya to dekha lahu lahu ham the