چمکتے لفظ ستاروں سے چھین لائے ہیں

چمکتے لفظ ستاروں سے چھین لائے ہیں

ہم آسماں سے غزل کی زمین لائے ہیں

وہ اور ہوں گے جو خنجر چھپا کے لاتے ہیں

ہم اپنے ساتھ پھٹی آستین لائے ہیں

ہماری بات کی گہرائی خاک سمجھیں گے

جو پربتوں کے لیے خوردبین لائے ہیں

ہنسو نہ ہم پہ کہ ہر بد نصیب بنجارے

سروں پہ رکھ کے وطن کی زمین لائے ہیں

مرے قبیلے کے بچوں کے کھیل بھی ہیں عجیب

کسی سپاہی کی تلوار چھین لائے ہیں

chamakte lafz sitaron se chhin lae hain

ham asman se ghazal ki zamin lae hain

wo aur honge jo khanjar chhupa ke late hain

ham apne sath phati astin lae hain

hamari bat ki gahrai khak samjhenge

jo parbaton ke liye khurdbain lae hain

hanso na ham pe ke har bad nasib banjare

saron pe rakh ke watan ki zamin lae hain

mire qabile ke bachchon ke khel bhi hain ajib

kisi sipahi ki talwar chhin lae hain