جا کے یہ کہہ دے کوئی شعلوں سے چنگاری سے

جا کے یہ کہہ دے کوئی شعلوں سے چنگاری سے

پھول اس بار کھلے ہیں بڑی تیاری سے

اپنی ہر سانس کو نیلام کیا ہے میں نے

لوگ آسان ہوئے ہیں بڑی دشواری سے

ذہن میں جب بھی ترے خط کی عبارت چمکی

ایک خوشبو سی نکلنے لگی الماری سے

شاہزادے سے ملاقات تو نا ممکن ہے

چلیے مل آتے ہیں چل کر کسی درباری سے

بادشاہوں سے بھی پھینکے ہوئے سکے نہ لیے

ہم نے خیرات بھی مانگی ہے تو خودداری سے

ja ke ye kah de koi sholon se chingari se

phul is bar khule hain bari tayyari se

apni har sans ko nilam kya hai main ne

log asan hue hain bari dushwari se

zehn mein jab bhi tire khat ki ibarat chamki

ek khushbu si nikalne lagi almari se

shahzade se mulaqat to na mumkin hai

chaliye mil ate hain chal kar kisi darbari se

badshahon se bhi phenke hue sake na liye

ham ne khairat bhi mangi hai to khuddari se