اس طرح تو لگ رہا ہے چاند بھی خطرے میں ہے

اس طرح تو لگ رہا ہے چاند بھی خطرے میں ہے

اس سے مل کر میں نے جانا روشنی خطرے میں ہے

اس کی صورت دیکھ کر بولا ستاروں سے قمر

یار لگتا ہے کہ اپنی نوکری خطرے میں ہے

اس کے ہاتھوں میں چھری کو دیکھ کر حیران ہوں

انگلیاں خطرے میں ہیں یا پھر چھری خطرے میں ہے

کیا کہا تم نے اسے دیکھا ہے اپنے شہر میں

یعنی اب تو شہر کا ہر آدمی خطرے میں ہے

کون ہیرا ہے یہاں اور کون ہے ہیرا نما

فرق اتنا سا بتا کر جوہری خطرے میں ہے

جھیل سی آنکھوں میں اس کی ڈوب سکتی ہے کبھی

روک لو اس کو کوئی جا کر ندی خطرے میں ہے

بے سر و پا شعر کہہ کر خوش تھا میں عامر عطاؔ

میرؔ جی سپنے میں بولے شاعری خطرے میں ہے

is tarah to lag raha hai chand bhi khatre mein hai

us se mil kar main ne jana raushni khatre mein hai

us ki surat dekh kar bola sitaron se qamar

yar lagta hai ke apni naukri khatre mein hai

us ke hathon mein chhuri ko dekh kar hairan hun

ungliyan khatre mein hain ya phir chhuri khatre mein hai

kya kaha tum ne use dekha hai apne shahr mein

yaani ab to shahr ka har admi khatre mein hai

kaun hira hai yahan aur kaun hai hira numa

farq itna sa bata kar jauhari khatre mein hai

jhil si ankhon mein us ki dub sakti hai kabhi

rok lo us ko koi ja kar nadi khatre mein hai

be sar-o-pa sher kah kar khush tha main amir ata

mir ji sapne mein bole shayari khatre mein hai