سب کو رسوا باری باری کیا کرو

سب کو رسوا باری باری کیا کرو

ہر موسم میں فتوے جاری کیا کرو

راتوں کا نیندوں سے رشتہ ٹوٹ چکا

اپنے گھر کی پہرے داری کیا کرو

قطرہ قطرہ شبنم گن کر کیا ہوگا

دریاؤں کی دعوے داری کیا کرو

روز قصیدے لکھو گونگے بہروں کے

فرصت ہو تو یہ بے گاری کیا کرو

شب بھر آنے والے دن کے خواب بنو

دن بھر فکر شب بے داری کیا کرو

چاند زیادہ روشن ہے تو رہنے دو

جگنو بھیا جی مت بھاری کیا کرو

جب جی چاہے موت بچھا دو بستی میں

لیکن باتیں پیاری پیاری کیا کرو

رات بدن دریا میں روز اترتی ہے

اس کشتی میں خوب سواری کیا کرو

روز وہی اک کوشش زندہ رہنے کی

مرنے کی بھی کچھ تیاری کیا کرو

خواب لپیٹے سوتے رہنا ٹھیک نہیں

فرصت ہو تو شب بے داری کیا کرو

کاغذ کو سب سونپ دیا یہ ٹھیک نہیں

شعر کبھی خود پر بھی طاری کیا کرو

sab ko ruswa bari bari kya karo

har mausam mein fatwe jari kya karo

raton ka nindon se rishta tut chuka

apne ghar ki pahre dari kya karo

qatra qatra shabnam gin kar kya hoga

dariyaon ki daawe dari kya karo

roz qaside likho gunge bahron ke

fursat ho to ye be gari kya karo

shab bhar ane wale din ke khwab bano

din bhar fikr shab be dari kya karo

chand ziyada raushan hai to rahne do

jugnu bhayya ji mat bhari kya karo

jab ji chahe maut bichha do basti mein

lekin baten pyari pyari kya karo

rat badan dariya mein roz utarti hai

is kashti mein khub sawari kya karo

roz wahi ik koshish zinda rahne ki

marne ki bhi kuchh tayyari kya karo

khwab lapete sote rahna thik nahin

fursat ho to shab be dari kya karo

kaghaz ko sab saunp diya ye thik nahin

sher kabhi khud par bhi tari kya karo