اسے اب کے وفاؤں سے گزر جانے کی جلدی تھی

اسے اب کے وفاؤں سے گزر جانے کی جلدی تھی

مگر اس بار مجھ کو اپنے گھر جانے کی جلدی تھی

ارادہ تھا کہ میں کچھ دیر طوفاں کا مزہ لیتا

مگر بے چارے دریا کو اتر جانے کی جلدی تھی

میں اپنی مٹھیوں میں قید کر لیتا زمینوں کو

مگر میرے قبیلے کو بکھر جانے کی جلدی تھی

میں آخر کون سا موسم تمہارے نام کر دیتا

یہاں ہر ایک موسم کو گزر جانے کی جلدی تھی

وہ شاخوں سے جدا ہوتے ہوئے پتوں پہ ہنستے تھے

بڑے زندہ نظر تھے جن کو مر جانے کی جلدی تھی

میں ثابت کس طرح کرتا کہ ہر آئینہ جھوٹا ہے

کئی کم ظرف چہروں کو اتر جانے کی جلدی تھی

use ab ke wafaon se guzar jane ki jaldi thi

magar is bar mujh ko apne ghar jane ki jaldi thi

irada tha ke main kuchh der tufan ka maza leta

magar be chare dariya ko utar jane ki jaldi thi

main apni mutthiyon mein qaid kar leta zaminon ko

magar mere qabile ko bikhar jane ki jaldi thi

main akhir kaun sa mausam tumhare nam kar deta

yahan har ek mausam ko guzar jane ki jaldi thi

wo shakhon se juda hote hue patton pe hanste the

bare zinda nazar the jin ko mar jane ki jaldi thi

main sabit kis tarah karta ke har aina jhuta hai

kai kam zarf chehron ko utar jane ki jaldi thi