Arooz is now on the App Store, for iPhone and iPad. Download →

All poetry

زندگی کی ہر کہانی بے اثر ہو جائے گی

Rahat Indori (1950–2020)

زندگی کی ہر کہانی بے اثر ہو جائے گی

ہم نہ ہوں گے تو یہ دنیا در بدر ہو جائے گی

پاؤں پتھر کر کے چھوڑے گی اگر رک جائیے

چلتے رہیے تو زمیں بھی ہم سفر ہو جائے گی

جگنوؤں کو ساتھ لے کر رات روشن کیجیے

راستہ سورج کا دیکھا تو سحر ہو جائے گی

زندگی بھی کاش میرے ساتھ رہتی عمر بھر

خیر اب جیسے بھی ہونی ہے بسر ہو جائے گی

تم نے خود ہی سر چڑھائی تھی سو اب چکھو مزا

میں نہ کہتا تھا کہ دنیا درد سر ہو جائے گی

تلخیاں بھی لازمی ہیں زندگی کے واسطے

اتنا میٹھا بن کے مت رہیے شکر ہو جائے گی