چراغوں کو اچھالا جا رہا ہے

چراغوں کو اچھالا جا رہا ہے

ہوا پر رعب ڈالا جا رہا ہے

نہ ہار اپنی نہ اپنی جیت ہوگی

مگر سکہ اچھالا جا رہا ہے

وہ دیکھو میکدے کے راستے میں

کوئی اللہ والا جا رہا ہے

تھے پہلے ہی کئی سانپ آستیں میں

اب اک بچھو بھی پالا جا رہا ہے

مرے جھوٹے گلاسوں کی چھکا کر

بہکتوں کو سنبھالا جا رہا ہے

ہمی بنیاد کا پتھر ہیں لیکن

ہمیں گھر سے نکالا جا رہا ہے

جنازے پر مرے لکھ دینا یارو

محبت کرنے والا جا رہا ہے

charaghon ko uchhala ja raha hai

hawa par rob dala ja raha hai

na har apni na apni jit hogi

magar sikka uchhala ja raha hai

wo dekho maikade ke raste mein

koi allah wala ja raha hai

the pahle hi kai sanp astin mein

ab ik bichho bhi pala ja raha hai

mire jhute gilason ki chhaka kar

bahaktun ko sambhala ja raha hai

hami buniyad ka patthar hain lekin

hamen ghar se nikala ja raha hai

janaze par mire likh dena yaro

mohabbat karne wala ja raha hai