سسکتی رت کو مہکتا گلاب کر دوں گا

سسکتی رت کو مہکتا گلاب کر دوں گا

میں اس بہار میں سب کا حساب کر دوں گا

میں انتظار میں ہوں تو کوئی سوال تو کر

یقین رکھ میں تجھے لا جواب کر دوں گا

ہزار پردوں میں خود کو چھپا کے بیٹھ مگر

تجھے کبھی نہ کبھی بے نقاب کر دوں گا

مجھے بھروسہ ہے اپنے لہو کے قطروں پر

میں نیزے نیزے کو شاخ گلاب کر دوں گا

مجھے یقین کہ محفل کی روشنی ہوں میں

اسے یہ خوف کہ محفل خراب کر دوں گا

مجھے گلاس کے اندر ہی قید رکھ ورنہ

میں سارے شہر کا پانی شراب کر دوں گا

مہاجنوں سے کہو تھوڑا انتظار کریں

شراب خانے سے آ کر حساب کر دوں گا

sisakti rut ko mahakta gulab kar dunga

main is bahar mein sab ka hisab kar dunga

main intizar mein hun to koi sawal to kar

yaqin rakh mein tujhe la jawab kar dunga

hazar pardon mein khud ko chhupa ke baith magar

tujhe kabhi na kabhi be naqab kar dunga

mujhe bharosa hai apne lahu ke qatron par

main neze neze ko shakh-e-gulab kar dunga

mujhe yaqin ke mahfil ki raushni hun main

use ye khauf ke mahfil kharab kar dunga

mujhe gilas ke andar hi qaid rakh warna

main sare shahr ka pani sharab kar dunga

mahajanon se kaho thora intizar karen

sharab khane se a kar hisab kar dunga