اب اپنی روح کے چھالوں کا کچھ حساب کروں

اب اپنی روح کے چھالوں کا کچھ حساب کروں

میں چاہتا تھا چراغوں کو آفتاب کروں

مجھے بتوں سے اجازت اگر کبھی مل جائے

تو شہر بھر کے خداؤں کو بے نقاب کروں

اس آدمی کو بس اک دھن سوار رہتی ہے

بہت حسین ہے دنیا اسے خراب کروں

ہے میرے چاروں طرف بھیڑ گونگے بحروں کی

کسے خطیب بناؤں کسے خطاب کروں

میں کروٹوں کے نئے ذائقے لکھوں شب بھر

یہ عشق ہے تو کہاں زندگی عذاب کروں

یہ زندگی جو مجھے قرض دار کرتی رہی

کہیں اکیلے میں مل جائے تو حساب کروں

ab apni ruh ke chhalon ka kuchh hisab karun

main chahta tha charaghon ko aftab karun

mujhe buton se ijazat agar kabhi mil jae

tu shahr bhar ke khudaon ko be naqab karun

us admi ko bas ik dhun sawar rahti hai

bahut hasin hai duniya use kharab karun

hai mere charon taraf bhir gunge bahron ki

kise khatib banaun kise khitab karun

main karwaton ke nae zaiqe likhun shab bhar

ye ishq hai to kahan zindagi azab karun

ye zindagi jo mujhe qarz dar karti rahi

kahin akele mein mil jae to hisab karun