حوصلے زندگی کے دیکھتے ہیں

حوصلے زندگی کے دیکھتے ہیں

چلئے کچھ روز جی کے دیکھتے ہیں

نیند پچھلی صدی کی زخمی ہے

خواب اگلی صدی کے دیکھتے ہیں

روز ہم اک اندھیری دھند کے پار

قافلے روشنی کے دیکھتے ہیں

دھوپ اتنی کراہتی کیوں ہے

چھاؤں کے زخم سی کے دیکھتے ہیں

ٹکٹکی باندھ لی ہے آنکھوں نے

راستے واپسی کے دیکھتے ہیں

پانیوں سے تو پیاس بجھتی نہیں

آئیے زہر پی کے دیکھتے ہیں

hausle zindagi ke dekhte hain

chaliye kuchh roz ji ke dekhte hain

nind pichhli sadi ki zakhmi hai

khwab agli sadi ke dekhte hain

roz ham ik andheri dhund ke par

qafile raushni ke dekhte hain

dhup itni karahati kyun hai

chhaon ke zakhm si ke dekhte hain

tiktiki bandh li hai ankhon ne

raste wapsi ke dekhte hain

paniyon se to pyas bujhti nahin

aiye zahr pi ke dekhte hain