کام سب غیر ضروری ہیں جو سب کرتے ہیں

کام سب غیر ضروری ہیں جو سب کرتے ہیں

اور ہم کچھ نہیں کرتے ہیں غضب کرتے ہیں

آپ کی نظروں میں سورج کی ہے جتنی عظمت

ہم چراغوں کا بھی اتنا ہی ادب کرتے ہیں

ہم پہ حاکم کا کوئی حکم نہیں چلتا ہے

ہم قلندر ہیں شہنشاہ لقب کرتے ہیں

دیکھیے جس کو اسے دھن ہے مسیحائی کی

آج کل شہر کے بیمار مطب کرتے ہیں

خود کو پتھر سا بنا رکھا ہے کچھ لوگوں نے

بول سکتے ہیں مگر بات ہی کب کرتے ہیں

ایک اک پل کو کتابوں کی طرح پڑھنے لگے

عمر بھر جو نہ کیا ہم نے وہ اب کرتے ہیں

kam sab ghair zaruri hain jo sab karte hain

aur ham kuchh nahin karte hain ghazab karte hain

ap ki nazron mein suraj ki hai jitni azmat

ham charaghon ka bhi itna hi adab karte hain

ham pe hakim ka koi hukm nahin chalta hai

ham qalandar hain shahanshah laqab karte hain

dekhiye jis ko use dhun hai masihai ki

aj kal shahr ke bimar matab karte hain

khud ko patthar sa bana rakha hai kuchh logon ne

bol sakte hain magar bat hi kab karte hain

ek ik pal ko kitabon ki tarah parhne lage

umr bhar jo na kiya ham ne wo ab karte hain