اندر کا زہر چوم لیا دھل کے آ گئے

اندر کا زہر چوم لیا دھل کے آ گئے

کتنے شریف لوگ تھے سب کھل کے آ گئے

سورج سے جنگ جیتنے نکلے تھے بےوقوف

سارے سپاہی موم کے تھے گھل کے آ گئے

مسجد میں دور دور کوئی دوسرا نہ تھا

ہم آج اپنے آپ سے مل جل کے آ گئے

نیندوں سے جنگ ہوتی رہے گی تمام عمر

آنکھوں میں بند خواب اگر کھل کے آ گئے

سورج نے اپنی شکل بھی دیکھی تھی پہلی بار

آئینے کو مزے بھی تقابل کے آ گئے

انجانے سائے پھرنے لگے ہیں ادھر ادھر

موسم ہمارے شہر میں کابل کے آ گئے

andar ka zahr chum liya dhul ke a gae

kitne sharif log the sab khul ke a gae

suraj se jang jitne nikle the bewuquf

sare sipahi mom ke the ghul ke a gae

masjid mein dur dur koi dusra na tha

ham aj apne ap se mil jal ke a gae

nindon se jang hoti rahegi tamam umr

ankhon mein band khwab agar khul ke a gae

suraj ne apni shakl bhi dekhi thi pahli bar

aine ko maze bhi taqabul ke a gae

anjane sae phirne lage hain idhar idhar

mausam hamare shahr mein kabal ke a gae