لوگ ہر موڑ پہ رک رک کے سنبھلتے کیوں ہیں

لوگ ہر موڑ پہ رک رک کے سنبھلتے کیوں ہیں

اتنا ڈرتے ہیں تو پھر گھر سے نکلتے کیوں ہیں

مے کدہ ظرف کے معیار کا پیمانہ ہے

خالی شیشوں کی طرح لوگ اچھلتے کیوں ہیں

موڑ ہوتا ہے جوانی کا سنبھلنے کے لیے

اور سب لوگ یہیں آ کے پھسلتے کیوں ہیں

نیند سے میرا تعلق ہی نہیں برسوں سے

خواب آ آ کے مری چھت پہ ٹہلتے کیوں ہیں

میں نہ جگنو ہوں دیا ہوں نہ کوئی تارا ہوں

روشنی والے مرے نام سے جلتے کیوں ہیں

log har mor pe ruk ruk ke sambhalte kyun hain

itna darte hain to phir ghar se nikalte kyun hain

mai kada zarf ke meyar ka paimana hai

khali shishon ki tarah log uchhalte kyun hain

mor hota hai jawani ka sambhalne ke liye

aur sab log yahin a ke phisalte kyun hain

nind se mera taalluq hi nahin barson se

khwab a a ke miri chhat pe tahalte kyun hain

main na jugnu hun diya hun na koi tara hun

raushni wale mire nam se jalte kyun hain