صرف خنجر ہی نہیں آنکھوں میں پانی چاہئے

صرف خنجر ہی نہیں آنکھوں میں پانی چاہئے

اے خدا دشمن بھی مجھ کو خاندانی چاہئے

شہر کی ساری الف لیلائیں بوڑھی ہو چکیں

شاہزادے کو کوئی تازہ کہانی چاہئے

میں نے اے سورج تجھے پوجا نہیں سمجھا تو ہے

میرے حصے میں بھی تھوڑی دھوپ آنی چاہئے

میری قیمت کون دے سکتا ہے اس بازار میں

تم زلیخا ہو تمہیں قیمت لگانی چاہئے

زندگی ہے اک سفر اور زندگی کی راہ میں

زندگی بھی آئے تو ٹھوکر لگانی چاہئے

میں نے اپنی خشک آنکھوں سے لہو چھلکا دیا

اک سمندر کہہ رہا تھا مجھ کو پانی چاہئے

sirf khanjar hi nahin ankhon mein pani chahiye

ai khuda dushman bhi mujh ko khandani chahiye

shahr ki sari alif lilaen burhi ho chuken

shahzade ko koi taza kahani chahiye

main ne ai suraj tujhe puja nahin samjha to hai

mere hisse mein bhi thori dhup ani chahiye

meri qimat kaun de sakta hai is bazar mein

tum zulekha ho tumhen qimat lagani chahiye

zindagi hai ik safar aur zindagi ki rah mein

zindagi bhi ae to thokar lagani chahiye

main ne apni khushk ankhon se lahu chhalka diya

ik samundar kah raha tha mujh ko pani chahiye