کہیں اکیلے میں مل کر جھنجھوڑ دوں گا اسے

کہیں اکیلے میں مل کر جھنجھوڑ دوں گا اسے

جہاں جہاں سے وہ ٹوٹا ہے جوڑ دوں گا اسے

مجھے وہ چھوڑ گیا یہ کمال ہے اس کا

ارادہ میں نے کیا تھا کہ چھوڑ دوں گا اسے

بدن چرا کے وہ چلتا ہے مجھ سے شیشہ بدن

اسے یہ ڈر ہے کہ میں توڑ پھوڑ دوں گا اسے

پسینے بانٹتا پھرتا ہے ہر طرف سورج

کبھی جو ہاتھ لگا تو نچوڑ دوں گا اسے

مزہ چکھا کے ہی مانا ہوں میں بھی دنیا کو

سمجھ رہی تھی کہ ایسے ہی چھوڑ دوں گا اسے

kahin akele mein mil kar jhinjhor dunga use

jahan jahan se wo tuta hai jor dunga use

mujhe wo chhor gaya ye kamal hai us ka

irada main ne kiya tha ke chhor dunga use

badan chura ke wo chalta hai mujh se shisha badan

use ye dar hai ke main tor phor dunga use

pasine bantta phirta hai har taraf suraj

kabhi jo hath laga to nichor dunga use

maza chakha ke hi mana hun main bhi duniya ko

samajh rahi thi ke aise hi chhor dunga use