تیری ہر بات محبت میں گوارا کر کے

تیری ہر بات محبت میں گوارا کر کے

دل کے بازار میں بیٹھے ہیں خسارہ کر کے

آتے جاتے ہیں کئی رنگ مرے چہرے پر

لوگ لیتے ہیں مزا ذکر تمہارا کر کے

ایک چنگاری نظر آئی تھی بستی میں اسے

وہ الگ ہٹ گیا آندھی کو اشارہ کر کے

آسمانوں کی طرف پھینک دیا ہے میں نے

چند مٹی کے چراغوں کو ستارہ کر کے

میں وہ دریا ہوں کہ ہر بوند بھنور ہے جس کی

تم نے اچھا ہی کیا مجھ سے کنارہ کر کے

منتظر ہوں کہ ستاروں کی ذرا آنکھ لگے

چاند کو چھت پہ بلا لوں گا اشارہ کر کے

teri har bat mohabbat mein gawara kar ke

dil ke bazar mein baithe hain khasara kar ke

ate jate hain kai rang mire chehre par

log lete hain maza zikr tumhara kar ke

ek chingari nazar ai thi basti mein use

wo alag hat gaya andhi ko ishara kar ke

asmanon ki taraf phenk diya hai main ne

chand mitti ke charaghon ko sitara kar ke

main wo dariya hun ke har bund bhanwar hai jis ki

tum ne achchha hi kiya mujh se kinara kar ke

muntazir hun ke sitaron ki zara ankh lage

chand ko chhat pe bala lunga ishara kar ke