ہاتھ خالی ہیں ترے شہر سے جاتے جاتے

ہاتھ خالی ہیں ترے شہر سے جاتے جاتے

جان ہوتی تو مری جان لٹاتے جاتے

اب تو ہر ہاتھ کا پتھر ہمیں پہچانتا ہے

عمر گزری ہے ترے شہر میں آتے جاتے

اب کے مایوس ہوا یاروں کو رخصت کر کے

جا رہے تھے تو کوئی زخم لگاتے جاتے

رینگنے کی بھی اجازت نہیں ہم کو ورنہ

ہم جدھر جاتے نئے پھول کھلاتے جاتے

میں تو جلتے ہوئے صحراؤں کا اک پتھر تھا

تم تو دریا تھے مری پیاس بجھاتے جاتے

مجھ کو رونے کا سلیقہ بھی نہیں ہے شاید

لوگ ہنستے ہیں مجھے دیکھ کے آتے جاتے

ہم سے پہلے بھی مسافر کئی گزرے ہوں گے

کم سے کم راہ کے پتھر تو ہٹاتے جاتے

hath khali hain tire shahr se jate jate

jan hoti to miri jan lutate jate

ab to har hath ka patthar hamen pahchanta hai

umr guzri hai tire shahr mein ate jate

ab ke mayus hua yaron ko rukhsat kar ke

ja rahe the to koi zakhm lagate jate

rengne ki bhi ijazat nahin ham ko warna

ham jidhar jate nae phul khilate jate

main to jalte hue sahraon ka ik patthar tha

tum to dariya the miri pyas bujhate jate

mujh ko rone ka saliqa bhi nahin hai shayad

log hanste hain mujhe dekh ke ate jate

ham se pahle bhi musafir kai guzre honge

kam se kam rah ke patthar to hatate jate