اے دیدۂ گریاں کیا کہیے اس پیار بھرے افسانے کو

اے دیدۂ گریاں کیا کہیے اس پیار بھرے افسانے کو

اک شمع جلی بجھنے کے لیے اک پھول کھلا مرجھانے کو

میں اپنے پیار کا دیپ لیے آفاق میں ہر سو گھوم گیا

تم دور کہیں جا پہنچے تھے آکاش پہ جی بہلانے کو

وہ پھول سے لمحے بھاری ہیں اب یاد کے نازک شانوں پر

جو پیار سے تم نے سونپے تھے آغاز میں اک دیوانے کو

اک ساتھ فنا ہو جانے سے اک جشن تو برپا ہوتا ہے

یوں تنہا جلنا ٹھیک نہیں سمجھائے کوئی پروانے کو

میں رات کا بھید تو کھولوں گا جب نیند نہ مجھ کو آئے گی

کیوں چاند ستارے آتے ہیں ہر رات مجھے سمجھانے کو

ai dida-e-giryan kya kahiye is pyar bhare afsane ko

ik shama jali bujhne ke liye ik phul khula murjhane ko

main apne pyar ka dip liye afaq mein har su ghum gaya

tum dur kahin ja pahunche the akash pe ji bahlane ko

wo phul se lamhe bhari hain ab yad ke nazuk shanon par

jo pyar se tum ne saunpe the aghaz mein ik diwane ko

ik sath fana ho jane se ik jashn to barpa hota hai

yun tanha jalna thik nahin samjhae koi parwane ko

main rat ka bhed to kholunga jab nind na mujh ko aegi

kyun chand sitare ate hain har rat mujhe samjhane ko