بنا ہوں میں آج تیرا مہماں کوئی عدو کو خبر نہ کر دے

بنا ہوں میں آج تیرا مہماں کوئی عدو کو خبر نہ کر دے

اٹھا کے وہ تیری انجمن سے کہیں مجھے در بدر نہ کر دے

یہ وصل کی رات ہے خدارا نقاب چہرے سے مت ہٹاؤ

تمہارے چہرے کا یہ اجالا سحر سے پہلے سحر نہ کر دے

قسم جسے ضبط غم کی دے کر اٹھا دیا اپنے در سے تو نے

کہیں وہ دیوانہ عمر اپنی بغیر تیرے بسر نہ کر دے

بڑے مزے سے میں پی رہا ہوں مری طرف تم ابھی نہ دیکھو

مجھے یہ ڈر ہے نظر تمہاری شراب کو بے اثر نہ کر دے

ستایا جس کو ہمیشہ تو نے سدا اکیلا جو چھپ کے رویا

وہ دل‌ جلا اپنے آنسوؤں سے تمہارا دامن بھی تر نہ کر دے

قتیلؔ یہ وصل کے زمانے حسین بھی ہیں طویل بھی ہیں

مگر لگا ہے یہ دل کو دھڑکا انہیں کوئی مختصر نہ کر دے

bana hun main aj tera mehman koi adu ko khabar na kar de

utha ke wo teri anjuman se kahin mujhe dar badar na kar de

ye wasl ki rat hai khudara naqab chehre se mat hatao

tumhare chehre ka ye ujala sahar se pahle sahar na kar de

qasam jise zabt-e-gham ki de kar utha diya apne dar se tu ne

kahin wo diwana umr apni baghair tere basar na kar de

bare maze se main pi raha hun miri taraf tum abhi na dekho

mujhe ye dar hai nazar tumhari sharab ko be asar na kar de

sataya jis ko hamesha tu ne sada akela jo chhup ke roya

wo dil jala apne ansuon se tumhara daman bhi tar na kar de

qatil ye wasl ke zamane hasin bhi hain tawil bhi hain

magar laga hai ye dil ko dharka unhen koi mukhtasar na kar de