ہر بے زباں کو شعلہ نوا کہہ لیا کرو

ہر بے زباں کو شعلہ نوا کہہ لیا کرو

یارو سکوت ہی کو صدا کہہ لیا کرو

خود کو فریب دو کہ نہ ہو تلخ زندگی

ہر سنگ دل کو جان وفا کہہ لیا کرو

گر چاہتے ہو خوش رہیں کچھ بندگان خاص

جتنے صنم ہیں ان کو خدا کہہ لیا کرو

یارو یہ دور ضعف بصارت کا دور ہے

آندھی اٹھے تو اس کو گھٹا کہہ لیا کرو

انسان کا اگر قد و قامت نہ بڑھ سکے

تم اس کو نقص آب و ہوا کہہ لیا کرو

اپنے لیے اب ایک ہی راہ نجات ہے

ہر ظلم کو رضائے خدا کہہ لیا کرو

لے دے کے اب یہی ہے نشان ضیا قتیلؔ

جب دل جلے تو اس کو دیا کہہ لیا کرو

har be zaban ko shola nawa kah liya karo

yaro sukut hi ko sada kah liya karo

khud ko fareb-e-do ke na ho talkh zindagi

har sang dil ko jan-e-wafa kah liya karo

gar chahte ho khush rahen kuchh bandgan-e-khas

jitne sanam hain un ko khuda kah liya karo

yaro ye daur zof-e-basarat ka daur hai

andhi uthe to us ko ghata kah liya karo

insan ka agar qad-o-qamat na barh sake

tum us ko naqs ab-o-hawa kah liya karo

apne liye ab ek hi rah-e-najat hai

har zulm ko raza-e-khuda kah liya karo

le de ke ab yahi hai nishan-e-ziya qatil

jab dil jale to us ko diya kah liya karo