Arooz is now on the App Store, for iPhone and iPad. Download →

All poetry

اک جام کھنکتا جام کہ ساقی رات گزرنے والی ہے

Qateel Shifai (1919–2001)

اک جام کھنکتا جام کہ ساقی رات گزرنے والی ہے

اک ہوش ربا انعام کہ ساقی رات گزرنے والی ہے

وہ دیکھ ستاروں کے موتی ہر آن بکھرتے جاتے ہیں

افلاک پہ ہے کہرام کہ ساقی رات گزرنے والی ہے

گو دیکھ چکا ہوں پہلے بھی نظارہ دریا نوشی کا

ایک اور صلائے عام کہ ساقی رات گزرنے والی ہے

یہ وقت نہیں ہے باتوں کا پلکوں کے سائے کام میں لا

الہام کوئی الہام کہ ساقی رات گزرنے والی ہے

مدہوشی میں احساس کے اونچے زینے سے گر جانے دے

اس وقت نہ مجھ کو تھام کہ ساقی رات گزرنے والی ہے