راستے یاد نہیں راہنما یاد نہیں

راستے یاد نہیں راہنما یاد نہیں

اب مجھے کچھ تری گلیوں کے سوا یاد نہیں

پھر خیالوں میں وہ بیتے ہوئے ساون آئے

لیکن اب تجھ کو پپیہے کی صدا یاد نہیں

ایک وعدہ تھا جو شیشے کی طرح ٹوٹ گیا

حادثہ کب یہ ہوا کیسے ہوا یاد نہیں

ہم دیا کرتے تھے اغیار کو طعنہ جن کا

اب تو ہم کو بھی وہ آداب وفا یاد نہیں

وضع داری سے ہے مجبور مرا پیار قتیلؔ

سب پرانے ہیں کوئی داغ نیا یاد نہیں

raste yad nahin rahnuma yad nahin

ab mujhe kuchh tiri galiyon ke siwa yad nahin

phir khayalon mein wo bite hue sawan ae

lekin ab tujh ko papihe ki sada yad nahin

ek waada tha jo shishe ki tarah tut gaya

hadisa kab ye hua kaise hua yad nahin

ham diya karte the aghyar ko taana jin ka

ab to ham ko bhi wo adab-e-wafa yad nahin

waza dari se hai majbur mira pyar qatil

sab purane hain koi dagh naya yad nahin