آؤ کوئی تفریح کا سامان کیا جائے

آؤ کوئی تفریح کا سامان کیا جائے

پھر سے کسی واعظ کو پریشان کیا جائے

بے لغزش پا مست ہوں ان آنکھوں سے پی کر

یوں محتسب شہر کو حیران کیا جائے

ہر شے سے مقدس ہے خیالات کا رشتہ

کیوں مصلحتوں پر اسے قربان کیا جائے

مفلس کے بدن کو بھی ہے چادر کی ضرورت

اب کھل کے مزاروں پہ یہ اعلان کیا جائے

وہ شخص جو دیوانوں کی عزت نہیں کرتا

اس شخص کا بھی چاک گریبان کیا جائے

پہلے بھی قتیلؔ آنکھوں نے کھائے کئی دھوکے

اب اور نہ بینائی کا نقصان کیا جائے

ao koi tafrih ka saman kya jae

phir se kisi waiz ko pareshan kya jae

be laghzish-e-pa mast hun in ankhon se pi kar

yun mohtasib-e-shahr ko hairan kiya jae

har shai se muqaddas hai khayalat ka rishta

kyun maslahaton par use qurban kya jae

muflis ke badan ko bhi hai chadar ki zarurat

ab khul ke mazaron pe ye elan kya jae

wo shakhs jo diwanon ki izzat nahin karta

us shakhs ka bhi chak-e-gareban kya jae

pahle bhi qatil ankhon ne khae kai dhoke

ab aur na binai ka nuqsan kya jae