اگرچہ مجھ کو جدائی تری گوارا نہیں

اگرچہ مجھ کو جدائی تری گوارا نہیں

سوائے اس کے مگر اور کوئی چارہ نہیں

خوشی سے کون بھلاتا ہے اپنے پیاروں کو

قصور اس میں زمانے کا ہے تمہارا نہیں

تمہارے ذکر سے یاد آئے کیا گھٹا کے سوا

ہمارے پاس کوئی اور استعارا نہیں

یہ التفات کی بھیک اپنے پاس رہنے دے

ترے فقیر نے دامن کبھی پسارا نہیں

مرا تو صرف بھنور تک سفینہ پہنچا ہے

تجھے تو ڈوبنے والوں نے بھی پکارا نہیں

ہر ایک ربط ترے واسطے سے تھا ورنہ

بھرے جہاں میں کوئی آشنا ہمارا نہیں

جو تیری دید نے بخشے وہی ہیں زخم بہت

اب اپنے دل میں کوئی حسرت نظارہ نہیں

بنا سکوں جسے جھومر تمہارے ماتھے کا

فلک پہ آج بھی ایسا کوئی ستارا نہیں

چلائے جاؤ قتیلؔ اپنا کاروبار وفا

جو اس میں جان بھی جائے تو کچھ خسارا نہیں

agarche mujh ko judai tiri gawara nahin

siwae us ke magar aur koi chara nahin

khushi se kaun bhulata hai apne pyaron ko

qusur is mein zamane ka hai tumhara nahin

tumhare zikr se yad ae kya ghata ke siwa

hamare pas koi aur astara nahin

ye iltifat ki bhik apne pas rahne de

tire faqir ne daman kabhi pisara nahin

mira to sirf bhanwar tak safina pahuncha hai

tujhe to dubne walon ne bhi pukara nahin

har ek rabt tire waste se tha warna

bhare jahan mein koi ashna hamara nahin

jo teri did ne bakhshe wahi hain zakhm bahut

ab apne dil mein koi hasrat-e-nazara nahin

bana sakun jise jhumar tumhare mathe ka

falak pe aj bhi aisa koi sitara nahin

chillae jao qatil apna karobar-e-wafa

jo is mein jan bhi jae to kuchh khasara nahin