دل کو غم حیات گوارا ہے ان دنوں

دل کو غم حیات گوارا ہے ان دنوں

پہلے جو درد تھا وہی چارا ہے ان دنوں

ہر سیل اشک ساحل تسکیں ہے آج کل

دریا کی موج موج کنارا ہے ان دنوں

یہ دل ذرا سا دل تری یادوں میں کھو گیا

ذرے کو آندھیوں کا سہارا ہے ان دنوں

شمعوں میں اب نہیں ہے وہ پہلی سی روشنی

کیا واقعی وہ انجمن آرا ہے ان دنوں

تم آ سکو تو شب کو بڑھا دوں کچھ اور بھی

اپنے کہے میں صبح کا تارا ہے ان دنوں

dil ko gham-e-hayat gawara hai in dinon

pahle jo dard tha wahi chara hai in dinon

har sail-e-ashk sahil-e-taskin hai aj kal

dariya ki mauj mauj kinara hai in dinon

ye dil zara sa dil tiri yadon mein kho gaya

zarre ko andhiyon ka sahara hai in dinon

shamon mein ab nahin hai wo pahli si raushni

kya waqai wo anjuman ara hai in dinon

tum a sako to shab ko barha dun kuchh aur bhi

apne kahe mein subh ka tara hai in dinon