انگڑائی پر انگڑائی لیتی ہے رات جدائی کی

انگڑائی پر انگڑائی لیتی ہے رات جدائی کی

تم کیا سمجھو تم کیا جانو بات مری تنہائی کی

کون سیاہی گھول رہا تھا وقت کے بہتے دریا میں

میں نے آنکھ جھکی دیکھی ہے آج کسی ہرجائی کی

ٹوٹ گئے سیال نگینے پھوٹ بہے رخساروں پر

دیکھو میرا ساتھ نہ دینا بات ہے یہ رسوائی کی

وصل کی رات نہ جانے کیوں اصرار تھا ان کو جانے پر

وقت سے پہلے ڈوب گئے تاروں نے بڑی دانائی کی

اڑتے اڑتے آس کا پنچھی دور افق میں ڈوب گیا

روتے روتے بیٹھ گئی آواز کسی سودائی کی

angrai par angrai leti hai rat judai ki

tum kya samjho tum kya jano bat miri tanhai ki

kaun siyahi ghol raha tha waqt ke bahte dariya mein

main ne ankh jhuki dekhi hai aj kisi harjai ki

tut gae sayyal nagine phut bahe rukhsaron par

dekho mera sath na dena bat hai ye ruswai ki

wasl ki rat na jane kyun israr tha un ko jane par

waqt se pahle dub gae taron ne bari danai ki

urte urte as ka panchhi dur ufuq mein dub gaya

rote rote baith gai awaz kisi saudai ki