مل کر جدا ہوئے تو نہ سویا کریں گے ہم

مل کر جدا ہوئے تو نہ سویا کریں گے ہم

اک دوسرے کی یاد میں رویا کریں گے ہم

آنسو جھلک جھلک کے ستائیں گے رات بھر

موتی پلک پلک میں پرویا کریں گے ہم

جب دوریوں کی آگ دلوں کو جلائے گی

جسموں کو چاندنی میں بھگویا کریں گے ہم

بن کر ہر ایک بزم کا موضوع گفتگو

شعروں میں تیرے غم کو سمویا کریں گے ہم

مجبوریوں کے زہر سے کر لیں گے خودکشی

یہ بزدلی کا جرم بھی گویا کریں گے ہم

دل جل رہا ہے زرد شجر دیکھ دیکھ کر

اب چاہتوں کے بیج نہ بویا کریں گے ہم

گر دے گیا دغا ہمیں طوفان بھی قتیلؔ

ساحل پہ کشتیوں کو ڈبویا کریں گے ہم

mil kar juda hue to na soya karenge ham

ik dusre ki yad mein roya karenge ham

ansu jhalak jhalak ke sataenge rat bhar

moti palak palak mein piroya karenge ham

jab duriyon ki ag dilon ko jalaegi

jismon ko chandni mein bhigoya karenge ham

ban kar har ek bazm ka mauzu-e-guftugu

sheron mein tere gham ko samwiya karenge ham

majburiyon ke zahr se kar lenge khudkushi

ye buzdili ka jurm bhi goya karenge ham

dil jal raha hai zard shajar dekh dekh kar

ab chahaton ke bij na boya karenge ham

gar de gaya dagha hamen tufan bhi qatil

sahil pe kashtiyon ko duboya karenge ham