حسن کو چاند جوانی کو کنول کہتے ہیں

حسن کو چاند جوانی کو کنول کہتے ہیں

ان کی صورت نظر آئے تو غزل کہتے ہیں

اف وہ مرمر سے تراشا ہوا شفاف بدن

دیکھنے والے اسے تاج محل کہتے ہیں

وہ ترے حسن کی قیمت سے نہیں ہیں واقف

پنکھڑی کو جو ترے لب کا بدل کہتے ہیں

پڑ گئی پاؤں میں تقدیر کی زنجیر تو کیا

ہم تو اس کو بھی تری زلف کا بل کہتے ہیں

husn ko chand jawani ko kanwal kahte hain

un ki surat nazar ae to ghazal kahte hain

uf wo marmar se tarasha hua shaffaf badan

dekhne wale use taj mahal kahte hain

wo tire husn ki qimat se nahin hain waqif

pankhuri ko jo tire lab ka badal kahte hain

par gai paon mein taqdir ki zanjir to kya

ham to us ko bhi tiri zulf ka bal kahte hain