کیا ہے پیار جسے ہم نے زندگی کی طرح

کیا ہے پیار جسے ہم نے زندگی کی طرح

وہ آشنا بھی ملا ہم سے اجنبی کی طرح

کسے خبر تھی بڑھے گی کچھ اور تاریکی

چھپے گا وہ کسی بدلی میں چاندنی کی طرح

بڑھا کے پیاس مری اس نے ہاتھ چھوڑ دیا

وہ کر رہا تھا مروت بھی دل لگی کی طرح

ستم تو یہ ہے کہ وہ بھی نہ بن سکا اپنا

قبول ہم نے کیے جس کے غم خوشی کی طرح

کبھی نہ سوچا تھا ہم نے قتیلؔ اس کے لیے

کرے گا ہم پہ ستم وہ بھی ہر کسی کی طرح

kya hai pyar jise ham ne zindagi ki tarah

wo ashna bhi mila ham se ajnabi ki tarah

kise khabar thi barhegi kuchh aur tariki

chhupega wo kisi badli mein chandni ki tarah

barha ke pyas miri us ne hath chhor diya

wo kar raha tha murawwat bhi dil lagi ki tarah

sitam to ye hai ke wo bhi na ban saka apna

qubul ham ne kiye jis ke gham khushi ki tarah

kabhi na socha tha ham ne qatil us ke liye

karega ham pe sitam wo bhi har kisi ki tarah