وہ دل ہی کیا ترے ملنے کی جو دعا نہ کرے

وہ دل ہی کیا ترے ملنے کی جو دعا نہ کرے

میں تجھ کو بھول کے زندہ رہوں خدا نہ کرے

رہے گا ساتھ ترا پیار زندگی بن کر

یہ اور بات مری زندگی وفا نہ کرے

یہ ٹھیک ہے نہیں مرتا کوئی جدائی میں

خدا کسی کو کسی سے مگر جدا نہ کرے

سنا ہے اس کو محبت دعائیں دیتی ہے

جو دل پہ چوٹ تو کھائے مگر گلہ نہ کرے

اگر وفا پہ بھروسہ رہے نہ دنیا کو

تو کوئی شخص محبت کا حوصلہ نہ کرے

بجھا دیا ہے نصیبوں نے میرے پیار کا چاند

کوئی دیا مری پلکوں پہ اب جلا نہ کرے

زمانہ دیکھ چکا ہے پرکھ چکا ہے اسے

قتیلؔ جان سے جائے پر التجا نہ کرے

wo dil hi kya tire milne ki jo dua na kare

main tujh ko bhul ke zinda rahun khuda na kare

rahega sath tira pyar zindagi ban kar

ye aur bat miri zindagi wafa na kare

ye thik hai nahin marta koi judai mein

khuda kisi ko kisi se magar juda na kare

suna hai us ko mohabbat duaen deti hai

jo dil pe chot to khae magar gila na kare

agar wafa pe bharosa rahe na duniya ko

to koi shakhs mohabbat ka hausla na kare

bujha diya hai nasibon ne mere pyar ka chand

koi diya miri palkon pe ab jala na kare

zamana dekh chuka hai parakh chuka hai use

qatil jan se jae par iltija na kare