اپنے ہونٹوں پر سجانا چاہتا ہوں
Qateel Shifai (1919–2001)اپنے ہونٹوں پر سجانا چاہتا ہوں
آ تجھے میں گنگنانا چاہتا ہوں
کوئی آنسو تیرے دامن پر گرا کر
بوند کو موتی بنانا چاہتا ہوں
تھک گیا میں کرتے کرتے یاد تجھ کو
اب تجھے میں یاد آنا چاہتا ہوں
چھا رہا ہے ساری بستی میں اندھیرا
روشنی کو، گھر جلانا چاہتا ہوں
آخری ہچکی ترے زانو پہ آئے
موت بھی میں شاعرانہ چاہتا ہوں
apne honton par sajana chahta hun
a tujhe main gungunana chahta hun
koi ansu tere daman par gira kar
bund ko moti banana chahta hun
thak gaya main karte karte yad tujh ko
ab tujhe main yad ana chahta hun
chha raha hai sari basti mein andhera
raushni ko, ghar jalana chahta hun
akhiri hichki tire zanu pe ae
maut bhi main shayarana chahta hun