گرمیٔ حسرت ناکام سے جل جاتے ہیں

گرمیٔ حسرت ناکام سے جل جاتے ہیں

ہم چراغوں کی طرح شام سے جل جاتے ہیں

شمع جس آگ میں جلتی ہے نمائش کے لیے

ہم اسی آگ میں گمنام سے جل جاتے ہیں

بچ نکلتے ہیں اگر آتش سیال سے ہم

شعلۂ عارض گلفام سے جل جاتے ہیں

خود نمائی تو نہیں شیوۂ ارباب وفا

جن کو جلنا ہو وہ آرام سے جل جاتے ہیں

ربط باہم پہ ہمیں کیا نہ کہیں گے دشمن

آشنا جب ترے پیغام سے جل جاتے ہیں

جب بھی آتا ہے مرا نام ترے نام کے ساتھ

جانے کیوں لوگ مرے نام سے جل جاتے ہیں

garmi-e-hasrat-e-nakam se jal jate hain

ham charaghon ki tarah sham se jal jate hain

shama jis ag mein jalti hai numaish ke liye

ham isi ag mein gumnam se jal jate hain

bach nikalte hain agar atish-e-sayyal se ham

shola-e-ariz-e-gulfam se jal jate hain

khud numai to nahin shewa-e-arbab-e-wafa

jin ko jalna ho wo aram se jal jate hain

rabt-e-baham pe hamen kya na kahenge dushman

ashna jab tire paigham se jal jate hain

jab bhi ata hai mira nam tire nam ke sath

jane kyun log mire nam se jal jate hain