زندگی کے دامن میں رنگ و نور و نکہت کیا

زندگی کے دامن میں رنگ و نور و نکہت کیا

خواب ہی تو دیکھا ہے خواب کی حقیقت کیا

دل بھی قفل ابجد ہے ایک نام پوچھے ہے

جان لے تو کھل جائے آخر اس میں حیرت کیا

آپ کے رویہ پر خوش گمانیاں کیسی

کوئی مصلحت ہوگی ورنہ یہ عنایت کیا

چوب خشک صحرا ہوں اور آرزو گل کی

سادگی سے بڑھ کر بھی ہے کوئی حماقت کیا

پاس کا اندھیرا بھی آس کا اجالا بھی

لوگ اسی کو کہتے ہیں جھٹپٹے کی ساعت کیا

zindagi ke daman mein rang-o-nur-o-nikhat kya

khwab hi to dekha hai khwab ki haqiqat kya

dil bhi qufl-e-abjad hai ek nam puchhe hai

jan le to khul jae akhir is mein hairat kya

ap ke rawayya par khush gumaniyan kaisi

koi maslahat hogi warna ye inayat kya

chob-e-khushk sahra hun aur arzu gul ki

sadgi se barh kar bhi hai koi himaqat kya

pas ka andhera bhi as ka ujala bhi

log usi ko kahte hain jhatpite ki saat kya