کوئی ہے جو شکست ضبط غم ہونے نہیں دیتا

کوئی ہے جو شکست ضبط غم ہونے نہیں دیتا

میں رونا چاہتا ہوں اور وہ رونے نہیں دیتا

سر آغاز ہر شب اک نیا غم گھیر لیتا ہے

جو خود بھی جاگتا ہے اور مجھے سونے نہیں دیتا

نئے غم بخشتا ہے دل کو بہلائے بھی جاتا ہے

غرض وہ اعتبار غم کبھی کھونے نہیں دیتا

بہت جی چاہتا ہے خود کو اب رو لیں سر ہستی

کوئی ہے جو یہ رسم غم ادا ہونے نہیں دیتا

عجب اک شعلۂ غم فصل الفت پھونک دیتا ہے

نئی اک فصل پھر بوئیں مگر بونے نہیں دیتا

koi hai jo shikast-e-zabt-e-gham hone nahin deta

main rona chahta hun aur wo rone nahin deta

sar-e-aghaz har shab ik naya gham gher leta hai

jo khud bhi jagta hai aur mujhe sone nahin deta

nae gham bakhshta hai dil ko bahlae bhi jata hai

gharaz wo etibar-e-gham kabhi khone nahin deta

bahut ji chahta hai khud ko ab ro len sar-e-hasti

koi hai jo ye rasm-e-gham ada hone nahin deta

ajab ik shola-e-gham fasl-e-ulfat phunk deta hai

nai ik fasl phir boen magar bone nahin deta