عجب ہیں ہم یہ کس کی سعئ لا حاصل پہ روتے ہیں

عجب ہیں ہم یہ کس کی سعئ لا حاصل پہ روتے ہیں

ابھی زندہ ہیں اور ناکامیٔ قاتل پہ روتے ہیں

ہمیں رہ رہ کے طوفاں کی رفاقت یاد آتی ہے

ہیں اب آسودۂ ساحل کھڑے ساحل پہ روتے ہیں

بہت ہم کو رلایا ماضی و امروز نے سو اب

نشاط گریہ ایسا ہے کہ مستقبل پہ روتے ہیں

گروہ عاشقاں تھا شہر گریہ ان کی منزل تھی

یہ رستے بھر بھی روتے آئے اب منزل پہ روتے ہیں

کہاں روتے ہیں ہم آغاز تنسیخ تعلق پر

جو کھینچی جا چکی ہے اس حد فاصل پہ روتے ہیں

ajab hain ham ye kis ki sai-e-la hasil pe rote hain

abhi zinda hain aur nakami-e-qatil pe rote hain

hamen rah rah ke tufan ki rifaqat yad ati hai

hain ab asuda-e-sahil khare sahil pe rote hain

bahut ham ko rulaya mazi-o-imroz ne so ab

nishat-e-girya aisa hai ke mustaqbil pe rote hain

giroh-e-ashiqan tha shahr-e-girya un ki manzil thi

ye raste bhar bhi rote ae ab manzil pe rote hain

kahan rote hain ham aghaz tansikh-e-taalluq par

jo khinchi ja chuki hai is had-e-fasil pe rote hain