یہ بھی کیا کم ہے کہ ہم بیتاب حالت میں رہے

یہ بھی کیا کم ہے کہ ہم بیتاب حالت میں رہے

بن نہ پائے کچھ بھی لیکن دست قدرت میں رہے

ہم کو آنکھوں میں بسایا وقت نے مانند خواب

اور ہم تعبیر ہو جانے کی حسرت میں رہے

ہم نے صحرا ہو کہ گلشن ایک جیسا کر دیا

جس ٹھکانے بھی رہے زنجیر وحشت میں رہے

اب صلہ حسن عمل کا کیا ملا کیا جانیے

روشنی تھے ہم سو شعلے کی رفاقت میں رہے

خلوت جاں میں بڑی فرصت سے آ بیٹھا ہے غم

عرصۂ فرصت ملا تو ہم بھی فرصت میں رہے

ye bhi kya kam hai ke ham betab halat mein rahe

ban na pae kuchh bhi lekin dast-e-qudrat mein rahe

ham ko ankhon mein basaya waqt ne manind-e-khwab

aur ham taabir ho jane ki hasrat mein rahe

ham ne sahra ho ke gulshan ek jaisa kar diya

jis thikane bhi rahe zanjir wahshat mein rahe

ab sila husn-e-amal ka kya mila kya janiye

raushni the ham so shole ki rifaqat mein rahe

khalwat-e-jan mein bari fursat se a baitha hai gham

arsa-e-fursat mila to ham bhi fursat mein rahe