جس طرف نظر کیجے وحشتوں کا ساماں ہے

جس طرف نظر کیجے وحشتوں کا ساماں ہے

زندگی ہی کیا اب تو خواب تک پریشاں ہے

اک ہوائے بیتابی ہم کو لے اڑی ورنہ

بال و پر کے پردے میں ہمت گریزاں ہے

اے ہوائے غم تو نے سب دیے بجھا ڈالے

پھر بھی خلوت جاں میں دور تک چراغاں ہے

دار و گیر وحشت میں اب پناہ کیا ڈھونڈیں

یہ زمین دامن ہے آسماں گریباں ہے

میں ہوں جب تلک باقی یہ مکالمہ ہوگا

اے حقیقت ہستی میرا نام انساں ہے

jis taraf nazar kije wahshaton ka saman hai

zindagi hi kya ab to khwab tak pareshan hai

ik hawa-e-betabi ham ko le uri warna

bal-o-par ke parde mein himmat-e-gurezan hai

ai hawa-e-gham tu ne sab diye bujha dale

phir bhi khalwat-e-jan mein dur tak charaghan hai

dar-o-gir wahshat mein ab panah kya dhunden

ye zamin-e-daman hai asman gareban hai

main hun jab talak baqi ye mukalama hoga

ai haqiqat-e-hasti mera nam-e-insan hai