عیاں ہم پر نہ ہونے کی خوشی ہونے لگی ہے

عیاں ہم پر نہ ہونے کی خوشی ہونے لگی ہے

دیے میں اک نئی سی روشنی ہونے لگی ہے

نئی کچھ حسرتیں دل میں بسیرا کر رہی ہیں

بہت آباد اب دل کی گلی ہونے لگی ہے

سو طے پایا مصائب زندگی کے کم نہ ہونگے

مگر کم زندگی سے زندگی ہونے لگی ہے

ادھر تار نفس سے آ ملی ہے رونق زیست

ادھر کم مہلتی میں بھی کمی ہونے لگی ہے

سر آغاز دل کی داستاں میں وہ نہیں تھا

مگر محسوس اب اس کی کمی ہونے لگی ہے

ہماری دوستی کا دم بھریں ایسے کہاں ہیں

زمانے سب سے تیری دوستی ہونے لگی ہے

ayan ham par na hone ki khushi hone lagi hai

diye mein ik nai si raushni hone lagi hai

nai kuchh hasraten dil mein basera kar rahi hain

bahut abad ab dil ki gali hone lagi hai

so tai paya masaib zindagi ke kam na honage

magar kam zindagi se zindagi hone lagi hai

idhar tar-e-nafas se a mili hai raunaq-e-zist

idhar kam mohlati mein bhi kami hone lagi hai

sar-e-aghaz-e-dil ki dastan mein wo nahin tha

magar mahsus ab us ki kami hone lagi hai

hamari dosti ka dam bharen aise kahan hain

zamane sab se teri dosti hone lagi hai