نہ پوچھئے کہ کہا کیا ہے ان کہی کیا ہے

نہ پوچھئے کہ کہا کیا ہے ان کہی کیا ہے

عذاب جھیل رہا ہوں سخنوری کیا ہے

عجب ہے ذوق تماشا کہ گھر جلا کر لوگ

یہ چاہتے ہیں سمجھنا کہ روشنی کیا ہے

پس نظر ہو اگر مقصد حیات تو پھر

یہ زیست وقت گزاری ہے زندگی کیا ہے

میں ملتجی ہوں نہ وہ ملتفت مگر پھر بھی

یہ ایک آگ دلوں میں لگی ہوئی کیا ہے

میں دل کے داغ دکھاؤں کہ زخم سر ان کو

جو پوچھتے ہیں کہ مفہوم دوستی کیا ہے

na puchhiye ke kaha kya hai an kahi kya hai

azab jhil raha hun sukhanwari kya hai

ajab hai zauq-e-tamasha ke ghar jala kar log

ye chahte hain samajhna ke raushni kya hai

pas nazar ho agar maqsad-e-hayat to phir

ye zist waqt guzari hai zindagi kya hai

main multaji hun na wo multafat magar phir bhi

ye ek ag dilon mein lagi hui kya hai

main dil ke dagh dikhaun ke zakhm-e-sar un ko

jo puchhte hain ke mafhum dosti kya hai