میان کار دنیا ہم سے دل ناشاد کیا کرتے

میان کار دنیا ہم سے دل ناشاد کیا کرتے

ہمیں وہ یاد کب آیا اسے ہم یاد کیا کرتے

اگر پہچان اپنی اک دل ویران ہے تو پھر

وہ ہم کو شاد کیا اور ہم اسے آباد کیا کرتے

ہمیں جلدی بہت تھی عشق میں برباد ہونے کی

سو پیش و پس میں پڑ کے وقت کو برباد کیا کرتے

بھلا یہ آہ و زاری شعبدہ بازوں کے بس کی ہے

فغاں اعجاز ہوتی ہے فغاں ایجاد کیا کرتے

اگر ہم صرف ہو جاتے کہیں فریاد کی لے میں

تو بس لے کار ہو سکتے تھے ہم فریاد کیا کرتے

miyan-e-kar-e-duniya ham se dil nashad kya karte

hamen wo yad kab aya use ham yad kya karte

agar pahchan apni ik dil-e-wiran hai to phir

wo ham ko shad kya aur ham use abad kya karte

hamen jaldi bahut thi ishq mein barbad hone ki

so pesh-o-pas mein par ke waqt ko barbad kya karte

bhala ye ah-o-zari shobada bazon ke bas ki hai

fughan ejaz hoti hai fughan ijad kya karte

agar ham sirf ho jate kahin fariyad ki le mein

to bas le kar ho sakte the ham fariyad kya karte