مرا جہاں ابھی میرا جہاں بنا ہی نہیں

مرا جہاں ابھی میرا جہاں بنا ہی نہیں

زمیں بنی ہی نہیں آسماں بنا ہی نہیں

ہزار سبز سہی رائیگاں سی لگتی ہے

وہ شاخ جس پہ کبھی آشیاں بنا ہی نہیں

کوئی بھی صورت حالات دیر پا نہ ہوئی

جو غم عزیز ہوا جاوداں بنا ہی نہیں

جس انقلاب کی سرخی مرے لہو نے لکھی

وہ انقلاب مری داستاں بنا ہی نہیں

بہت سی اور بھی شرطیں ہیں کارواں کے لیے

ہجوم سے تو کبھی کارواں بنا ہی نہیں

mira jahan abhi mera jahan bana hi nahin

zamin bani hi nahin asman bana hi nahin

hazar sabz sahi raigan si lagti hai

wo shakh jis pe kabhi ashiyan bana hi nahin

koi bhi surat-e-halat der pa na hui

jo gham aziz hua jawedan bana hi nahin

jis inqilab ki surkhi mire lahu ne likhi

wo inqilab miri dastan bana hi nahin

bahut si aur bhi sharten hain karwan ke liye

hujum se to kabhi karwan bana hi nahin