لمحہ لمحہ مرا ہر اک سے سوا جاگتا ہے

لمحہ لمحہ مرا ہر اک سے سوا جاگتا ہے

میں الگ جاگتا ہوں درد جدا جاگتا ہے

بخت بھی سوتے ہیں اور گھر کے مکیں بھی لیکن

سرحد شب پہ کہیں ایک دیا جاگتا ہے

خواب ہو جانے سے پہلے کوئی حرف خوش کام

اسی امید پہ یہ ذہن رسا جاگتا ہے

ہم پہ ہی خاص ہیں کچھ اس کی عنایات سو اب

فتنہ اس شہر میں ہر روز نیا جاگتا ہے

اے مرے درد بتا حد سے گزرنا کب ہے

تو جو یوں جاگتا رہتا ہے تو کیا جاگتا ہے

lamha lamha mira har ik se siwa jagta hai

main alag jagta hun dard juda jagta hai

bakht bhi sote hain aur ghar ke makin bhi lekin

sarhad-e-shab pe kahin ek diya jagta hai

khwab ho jane se pahle koi harf-e-khush kam

isi ummid pe ye zehn-e-rasa jagta hai

ham pe hi khas hain kuchh us ki inayat so ab

fitna is shahr mein har roz naya jagta hai

ai mire dard bata had se guzarna kab hai

tu jo yun jagta rahta hai to kya jagta hai